Pro una politica linguistica democratica e moderna
Premessa
In sos urtimos annos in Sardinia calicunu politicu a provadu a ponner manu a sa situazione linguistica de su sardu arribande a una proponida tzirriada LSU . Segundu nois atteros sas maneras non suntis istadas bonas pro nudda e fintzas pagu scientificas. Pagu bonas puitte non movent in manera democratica, pagu scientificas cā non tenent comente base unu istudiu sotziulinguisticu chi diat a si fagher ischire ite nde penzat sos chi faeddant su sardu de custa chistione.
Comente semus postos in sa Provincia
In sa provincia 'e Aristanis ddu est una variedade linguistica chi podimos narre omogenea, e chi calicunu linguista a tzirriau "Sardu Arborense". Custa variedade vantad libros e paperis che su "Condaghe de Santa Maria de Bonarcado" chi est istadu iscrittu in su 1200 . Oe sa Provincia de Aristanis, cun d'unu triballu pagu craru, ad apertu in unu ufficiu lobargiu de cussu Nugoresu, chi est portande a de nanti sa proponida de LSU. S'ufficiu di narat "Ufitziu de sa Limba Sarda / ULS". A ita servit custu ufficiu? A faghe connoscher su Barbaricinu a sos Aristanesos ? Non s'ischit ! Su si chi si paret est chi sos politicos chi ant pesau custa cosa sient pagu interessados a fagher cracchi cosa seria pro sa chistione.
Su chi cherimos nois
iRS, su movimentu nostru, si impegnada a esser contra 'e custa proponida e a sighire trassas prus democraticas (chi suntis istadas giai proponidas) chi tenzat in contu sas variantes de su logu.
In su matessi tempus, proponimos de fagher: indagines sotziulinguisticas pro iscoberrer ite nde penzat sa populu, ponner a intro 'e sas iscolas (asili, elementari) libros didatticos iscrittos in su sardu de su logu.
In duas paraulas, nois, si proponimos de ponner seriamente sa chistione de su sardu in sa politica.
