|
27/04/2005 Polìtica limbìstica Naschit sa segunda cummissione Segunde indiscretziones su presidente de sa Regione Renato Soru at detzisu is nòmenes de sa cummissione chi at a dèpere biere sa chistione de sa norma ortografica de sas variantes e sa limba ufitziale in bessida de sa Regione. In s'incarrigu finas su 'e istèrrere su progetu de una chirca sotziulimbìstica. Finas a como iant a dèpere èssere (ma ddue podent essere galu cambiamentos de s'ùrtima ora): Giuliu Paulis, (glottologu de s'universidade de Casteddu) Mauritziu Virdis (filologu e limbista de s'universidadade de Casteddu), Giuliu Angioni (antropologu e iscritore giallista), Giovanni Lupinu (glottologu de s'universidade de Tàtari) Roberto Bolognesi (limbista de s'universidade de Amsterdam e Groninga), Manlio Brigaglia (istòricu gadduresu), Maria Teresa Pinna Catte (esperta de didàtica in limba sarda), Diegu Corraine (ghiadore de s'Uls de Nùgoro), Anna Oppo (sociologa de s'universidade de Casteddu), Miale Contini (limbista de s'universidade de Grenoble) e Mariu Puddu (mastru de limba sarda de s'universidade de Casteddu). |