S'afortiamentu de sa limba galitziana est unu de is chimbe puntos prioritàrios de s'acordiu de programma chi ant fatu sotzialistas e natzionalistas po formare su guvernu chi at a ghiare sa Galitzia in sos 4 annos benidores. Su Partidu Sotzialista de Galitzia e su Blocu Natzionalista Galitzianu, binchidores de eletziones reghentes, ant fatu un'acordu chi at a biere sas polìticas limbìsticas ghiadas dae sa Concelleria de Presidentzia (chi at a andare a is sotzialistas), cun d'unu diretore tecnicu inditau dae sos natzionalistas po garantire una linia forte e chena dudas in favore de su gallegu. Sa prioridade giada a sa limba de custu guvernu nou est crara in su documentu polìticu in su cale si leget chi "a fàere progredire sa normalizatzione de sa limba nosta, e amparare e afortiare sa cultura de s'istòria, est sa crae de fundamentu de s'identidade nostra comente pòpulu". Emilio Perez Tourino (psdg) e Anxo Quintana (bng), leaders polìticos de is duas formatziones, bolent fàere ismentigare sos annos de guvernu de su popolare Fraga, imputau, mescamente dae sos natzionalistas, de àere fatu unu dannu mannu a sa limba de minoria gallega.
