Chie discriminat su sardu? Est una pregunta chi in custas dies est bessia a campu po sa chistione de sa pellėcula de Columbu. Est giustu chi sa gente e sos polėticos si che siant chensciaos, ma sa coerentzia no est una mercantzia chi s'agatat a bčndere a indonu. Di fatis, mentres totus si preocupaiant po su finantziamentu de "Su Re"in custas dies est bessia sa delibera regionale chi assignat is finantziamentos po is trasmissiones televisivas, radiofonicas e internet in limba sarda. Cun d'unu annu de ritardu (proite sunt sos progetos chi depiant čssere fatos in su 2004) e cun d'unu tagliu mčdiu de s'80 po chentu. E trasmissiones comente "Visiones" de Sardegna Uno o "Andalas de Imparu" de TCS chi podiant contare po un'annu in 50 mila euros po totu is ispesas (condutzione, materiales, ricercas, ripresas, montagiu, post-produtzione, messa in onda, regia), como iant a dčpere fāere deghe puntadas cun sa bella cifra de 14 mila euros. Chie cumprendet calencuna cosa de televisione ischit ite seo nando.
In prātica est unu cumbidu a serrare. Prus o mancu su manigiu riservau a is editores de libros sardos. Sa voluntade de chie at detzisu est istada cussa de fāere mōrrere custas isperientzias "lėberas" de ispāinu de sa limba in su tubu catōdicu. E po su 2005? Non s'annuntziant nudda de bonu. Cales polėticos sardos ant a fāere cunferentzias e burdellu po difendčre sa giai iscarsa presentzia de sa limba sarda in televisione e in su radiu? Nemos, creo...est prus fācile atacare contras a Roma (e leare paginas de giornale) prus de si castiare in intro de domo.
