<Nemos nos at chircau po detzidere custu partzimentu. Dd'isco ebbia proite sos diarios ant pubblicau ca sa Regione at fatu dannu a is tres provincias furlanas>. Gasi su presidente de su consillu de is autonomias locales Giorgio Brandolin at cummentau in su giornale de Udine su sèberu de su guvernu Illy de cuncentrare a Trieste su 56 po chentu de is contribbutos regionales po s'innovatzione tecnològica. Fintzas sa Confindustria e sos sindicaos si sunt chesciaos contras a su presidente de su centrosinistra. <Dae tempus naraus ca is agiudos po su traballu - at nau Natalino Giacomini de sa Cgil de su Friuli - non leant in su giustu cunsideru Udine e sos furlanos>. In prus in Friuli sighint is polèmicas po sa carta regionale noa chi no at tentu in contu sa chistione limbìstica de su furlanu.
