Est passau unu mese giustu de cando sas otto natziones prus biatzas de su mundu (G8) si suntis attopadas in su ‘e su Gleneagles Hotel, in Scotzia. Aint promittiu de azudare S’Africa a che bessire de su famene e de sa miseria. Est sutzediu cracchi cosa ?
In su messe passau, Robert Mugabe, su presidente ’e su Zimbawe at destruidu una bidovilles, fainde 700,000 desamparados. Mancari su report de sas NU (Natziones Unidas) chi denuntziant sa cosa est bessiu sa cosa est sighinde. Atteros pegos de custa zenia (e chi cumndant s’Africa como) ant nau chi sa cosa no at a intrare in su UN Security Council. Antzis, su governu ‘e su Malawy at nau issu puru chi at a bettare a terra sas domos illegales in sas tzittades, chentza e faer nudha pro sa zente chi abbarat chentza ‘e crabettura in conca.
In Sudan, 130 personas suntis mortas in gherras a pustis chi su colonnellu John Garang, ledaers de su “Movimentu populare de Liberatzione Sudanesu” , est istadu bocchiu cando fiat bolande in elicotteru. Sa morte sua frimmat su protzessu de acabu de 50 annos de gherra tzivile de su cabu e susu contra e ‘su cabu ‘e giosso. Intantu sa gherra tzivile in su Darfur est sighinde.
In Mauritania, unu croppu de istadu a bogau su presidente. Est su primu croppu in Africa de su 2003.
In su Niger, sos pippios suntis morinde de famene e 3,6 miliones de personas suntis malaidas pro sa mala calidade de su mandigu. Custu paret chi importe pagu a su presidente Mamadou Tanja, daghi no at mancu visitau sos zassos in’ue sa zente suffridi a pustis de unu report de sa BBC chi denutziat sa cosa.
Custos fattos lassant cumprender chi a pustis de unu mese no est cambiau nudha.
Eppuru su messaggiu de Bono e Bob Gedolf a sos 8 “mannos” fiat craru de cumprender. Due cherent prus azudos: “bastat chi sos 8 donent sa metade de unu chewing gum a sa die per omine” at nau Bobo Gedolf.
Ma segundu atteros sa chistione no est diasi: non bastat a giare dinari. “Sa chistione prus manna est politica, e sas carrelas de sa politica Africana ant das bideus como; carrelas in’ue Frantza e Inghilterra suntis meda a intro” narat Richard Dowden, su direttore de sa Royal African Society. E sighit nande chi “fintzas a cando s’Africa no at a tenner leaders chi si occupant de sa zente issoro e chi ponzant sos interssos de custos primu, nudha at a furriare in su continente”.
In su mentres innoghe in occidente sa zente e sos media si ammentat de su cuntzertu globale e immentigan sas promissas fattas de sos “mannos” su mese passau.
