04/03/2005 Finantziaria in sa cummissione regionale

Tzentrumanca: nudda dinare a sa limba

de Peppe Corongiu

Su Tzentrumanca, eris sero, at giau unu corpu mortale a sa limba sarda. In sa cummissione de su consillu regionale chi fut discutendo s'articoladu tecnicu de sa finantziaria, totu sos emendamentos, presentados dae su Partidu Sardu de Atzione (firmatariu Beniaminu Iscarpa) pro chircare de mimimare su chi sa proposta de sa Giunta Regionale iat giai truncau, ddos ant bocciaos. De oe sa lege 26 abbarrat una simple lėtera morta. Sas polėticas limbistėcas ant a leare unu dannu mannu che a unu monte. A fagher custu, est comente chi apant mortu unu pipiu in su brassolu, proite sa 26 est de pagu tempus chi fut andando "a regime". Sa majoria chi sustenet sa polėtica de su presidente Soru, pro balanzare su votu contras a sa limba at dčpidu fāghere votare fintzas su presidente de sa cummissione Eliseo Secci. Una cosa chi non cumbinaiat mai. Pro s'imprus, sos de tzentrumanca si nche sunt giustificaos ca tocat de fāghere sacrifitzios pro ca manca su dinare. E puru ddue at de nārrere ca su dinare, pro cussu chi lis interessaiat giai dd'ant agatau. Di fatis, ant postu 3 miliones e mesu de euros in prus pro isponsorizatziones isportivas e 3 miliones de euros pro sos apariciadores professionales de ispetāculos (...una fissatzione custa de s'ispetāculu...). Unu milione e mesu in prus finztas pro sa lege 17 (ispetāculos apariciados dae is comunes). Como su bilanciu depet colare in aula pro čssere votau. 
Sa polėtica culturale de su tzentrumanca e de Soru est como crara crara. Mancat petzi chi l'acabent de nārrere faulas e chi atroghent su chi pensant de a beru. E sa beridade est ca in sa Sardigna chi ant in conca issos no ddue at logu nč po sa limba, nč po sas traditziones populares, nč po lėberos editores minores, nč po una cultura fata de liberos sotzios. S'imponet in tames una polėtica anti-sarda, provinciale, snob, presumia e artiva. Unu "dirigismu culturale" chi cheret fāghere mōrrere totu cuddos chi non sunt de acordu. 
Non cumprendeus comente potzat intrare in custa majoria su Partidu Sardu chi iat depere amparare propriu s'identidade e sa limba sarda. Possibile chi su disizu de cadiras potzat tupare sos ogos gosi? Sunt cunditziones polėticas custas po un'alliantiza refudada po sas eletziones? Antzis, sunt in medas chi sunt pranghendo sa polėtica de sa Dereta. Ma, pro bona sorte sas eletziones sunt a prope e sos amantiosos de sa limba ischint como a su nessi a chie non votare...

Peppe Corongiu

A segus