22/03/2005 Poesias

Su coro

de Toninu Frore

Caros Amigos de Sotziulimbasarda, cun meda pragere bo si manno sa poesia in lima sarda desulesa, intitolada "Su Coro", ci appo mannau a su premiu Montanaru de su duemillebattero, e ci ad' ottentu su terciu premiu. 


tantos saludos

Toninu Frore de Desulu





Su coro


In custa turmentada vida trista

Meda’bortas de s’omine su coro

Ola’lebiu, siginn’unu tesoro

In celu terr’e mare pista pista.



Ma, s’omine cun mente pagu sana,

lassad’in tristura, custu coro:

onnia terrena cosa apparit vana,

mai attin’cunfortu prata e oro.



Para s’origa seriu e attentu,

de su coro a sa vera oge santa 

sempere prena e’ onu sentimentu.



S’umanidade, s’istima, s’arrespettu,

cun is atteros Benes de sa vida,

s’intennent’e’su coro, in su segretu.

A segus