Non dia cherrer approffettare de s’accoglientzia osthra, pro sa cale pro rengratzio meda, ca pruite cun bois m’intendo che in dhomo mia.
Narademi cantas, bolsthas cantas, amus disizadu, in tempus no allontanu meda, de poder faeddhare et mezus ischriere in limba nostrha, invece de sa limba natzionale italiana, chi pro nois est sempere furisthera?
Unu de sos fundamentos mannos chi tenet unida et format una natzione est su limbazu. Umpare a issu, a sa libertade e a su trobagliu, su liberu iscambiu de sas bideas e de tottas sas produtziones materiales. In su mamentu pagu felitze, de anneos e de amarguras chi est vivende su populu salsdhu, devimus approntare sa resisthentzia a qusthu mostrhe de su liberalismu fizu de su capitalismu.
Sos faeddhos differentes de sas biddhas in Salsdhigna sunt aneddhos ei sa ricchesa de sa matessi cadena chi nos mantenet unidos. Devimus fraigare a fizos nostrhos e sas generatziones chi devent benner, unu crasa pius seguru e cuncretu, chi li dies sa possibilidade de una vida cuntivizosa, sa mezus possibile.
Saludu et bona folsthuna.
Mariu Unale de Tzaramonte de Anglona su deghennoe de malsthu de su duamizaechimbe.
