|
01/03/2005 Televisiones de minorìa IB3, sa TV nova de sas Baleares de Micheli Ladu Dae oze sos teleispetatores balearicos podent biere sas primas imazines de IB3, sa televisione autonomica nova de sas Isulas Baleares chi est istada batiada dae su Guvernu Autonomicu sa matessi die de sa festa populare "Dia de les Illes Balears"(una fromma de Die de sa Sardigna nostra). Sos primos programas a esser ammostraos ant a essere "L'Amo de Son Quint" una produssione propia e "Atonzu in Nova York", pellicula tramudà in catalanu. Apustis, finas a maju, ant a torrrare sas provas tennicas: tando ant a comintzare sos programmas de informatzione e ateru galu. Totu est comintzau in su 2003 cando su Guvernu at cambiau sa Leze de radiu e televisione autonomica cun non pagas peleas intre sos cussizeris. Antes de totu po cale limba impleare: s'est seperau s'impleu de castiglianu e de su catalanu de s'Isula, duncas sos Diarios e sos programmas po pilocheddos e de cughina ant a tennere un'andala limbistica propia. Peroe, e custa cosa no est istada retzida dae totus, sas pelliculas ant a essere in castiglianu, a diferentzia de su chi capitat in sa TV3. Una notissia bona est chi s'ant a impleare finas su tedescu e s'inglesu ma mescamente chi ant a traballare seschentas (600!!) pessones e de custas una setantina ant a essere in diretzione. A ddu ischire!! Sas Baleares de mannìa sunt mancu sa metade de sa Sardinna, ma in ive sos chi istimant sa limba propia in su mundu politicu intames paret chi siant a dopiu |