|
06/03/2005 S'Eblul denuntziat Francia mortora de limbas Su comitau francesu de su European Bureau for Lesser Used Languages (Eblul) at denuntziau a s'imprenta in Ginevra sa discriminatzione chi sa Francia at fatu e faghet a sas limbas de minoria presentes in su territoriu suo. Custa polėtica resurtat dae su fatu de non aere galu ratificau sa Carta Europea de sas Limbas Regionales e Minoritarias (cosa chi no at fatu mancu sa Republica Italiana). E duncas Bascos, Catalanos e Ocitanos chi bivent in intro de sas lacanas francesas non sunt po nudda agiudaos a muntennere s'identidade insoro. Po non foeddare de su Bretone, limba celtica sorresta de su Welsh, su limbazu chi foeddant in Galles. Ma mentres s'Inghilterra reconoschet e bidorat s'Iscotzesu, sa Gallesu e su Cornovalesu (Cornish), sa Francia si ettat a tonta e non faghet nudda. A custa manera sas limbas presentes in Francia sunt de a beru in perigulu de si nche isperdere. Una chistione chi at interessau fintzas sa Federatzione Internatzionale de sos Deretos Umanos. |