|
21/03/2005 Ateras minorias - Galles Disney in gallesu Sa limba de minoria gallesa (Welsh) at a èssere impreada pro sa prima bia in d'unu ispetàculu de sa Disney. Custu at a capitare in Cardiff, in su Millenium Center, logu de ispetàculos po pipios chi ant abertu dae pagu in sa citade cabu de logu. In s''ispetàculu, chi si intitulat "Winnie, the Pooh", su presentadore de sa televisione gallesa po pipios Martin Geraint at a bessire a foras e at a insingiare a Tracie Franklin, presentadore de sa Disney, calencuna paraula in limba gallesa. Sa domo de produtzione de s'ispetàculu, sa Feld Entertainement, at ispiegau chi at detzidiu de inclùdere su limbagiu poite ca ddi pariat de importantzia manna mescamente po sos pipios de s'edade pre-iscolare. Segunde cumpudos autorevoles, prus de su 40 % de su fedu gallesu foeddat sa limba de minoria. Unu resurtau de non cuare, sendoro chi in su 1991, cando sunt movias sas polìticas limbisticas po s'infantzia, foeddaiant in welsh su 24 % de is pipios ebbia. |