|
21/03/2005 Ateras minorias - Catalunya Generalitat po sos audiovisivos Su secretariu nou de sa Polìtica Limbìstica de sa Generalitat de Catalunya, Miquel Pueyo, at aparitzau in Barcellona calencuna die a como, una reunione de triballu cun is cumponentes de su Consillu de s'Audiovisuale de Catalunya (CAC). S'atòbiu est serviu po aberrere sa possibilidade de ismanniare sa cuncordia e su cuncambiu de informatziones e produtos cun s'arribu de afortiare sèmpere de prus sa limba catalana in totu sas produtziones audiovisivas. Pueyo est bessidu a èssere s'òmine mannu de sa polìtica limbìstica catalana dae cando est intrada in sa Generalitat sa majoria noa de sa manca autonòmica a pustis de 24 annos de guvernu de su partidu natzionalitariu moderau Convergencia i Union de Jordi Pujol. Antis de Pueyo, muntenniat cussu incarrigu Carles Duartes Montserrat, poeta, istudiosu de s'impreu de sa limba catalana in su deretu e in s'amministratzione pùblica. |