|
19/03/2005 Sunt craros a die de oe sos sèberos cuados Aristanis, fèudu de s'Uls de Nùgoro Cun s'agiudu de su Cussigiu Regionale e de su Coordinamentu de sa minoria linguìstica sarda, Provìntzia de Nùgoro e de Aristanis, Assessorados de sa Cultura, s'at a fagher in Aristanis in s'Istitutu Cumertziale 2, sabadu 19 de martzu 2005 oras 9-14, un'atobiu pro sa nàschida de s'Ufìtziu de sa Limba Sarda de Aristanis. In s'eventu, chi tenet a tìtulu "LIMBA SARDA: LIMBA DE S'IDENTIDADE, LIMBA DE SU MUNDU", s'at a faeddare de su chi cheret fagher sa Provìntzia de Aristanis in matèria de polìtica linguìstica, de sa leze 482/99, de sos aspetos fonèticos de sa limba e de s'ufitzialidade. S'Ufìtziu de sa Limba Sarda de Aristanis naschet unidu a su de Nùgoro. Su cumbidu pos'atobiu l'ant iscritu totu in Limba Sarda Unificada. Faeddant: Mario Diana, Gianni Demartis, Giovanna Cerina, Pascale Onida, Marinella Marras, Maria Giuseppa Cossu, Iside Zucca, Guido Mensching, Marinella Lörinczi, Diego Corraine, Mario Puddu. Cun totu custos relatadores no b'at aere ispatziu pro su dibatitu. At a èssere unu de sos sòlitos cungressos "blindados" de s'ala corrainista. No balet sa pena de b'andare. |