Su derettu de s'Unione Europea, in custos urtimos tempos, est mudande: sa manera de arribare a unu faina comune chi fiat posta in pes fintzas a su 2000 est cambiande. A pusits de Laeken, cun sa naschida de "Convenzione", sos eurocunvintos suntis de s'idea chi su triballu podet sighire in manera prus lestra e chenza infadamentos.
Totu cosas de importu mannu, comente sa de sa Carta Europea, chi sos istados mannos e minores cherent bogare in pes in presse, e unu pagu a sa muda. Zente meda no est de accordu cun custa Carta chi suntis poninde in pes. Pro su chi ispettat nois sardos penzo si deppat fagher unu passu in de segus, non de meda. Unu annu ai’como in Sardinia , comente in Europa itotu, ddue fiant sas eletziones Europeas. Bene meda. Sos politicos sardos chi setziant in Casteddu, e sos chi setzin in Roma, brigaian a chie bogaiat sa decraratzione prus tosta, prus balente, chi denuntziaiat unu fattu pretzisu. Sa Sardinia no est rappresentada in sù 'e su Istamentu-Parlamentu Europeu. In su 1979, cando ddue suntis istadas sas primas eletziones europeas, s'Italia teniat 81 rapresentantes, e cun sa leze de su 18 de bennarzu 1979 si seberaint 5 areas elettorales, chi servint comente collegios. S'idea fiat sa de Contiguità e de Equilibrio demografico, chi est a narre de esser accanta e tenner sos matessi de elettores, cosa chi in su colleggio Sardinia-Sitzilia est unu pagu istranu, narant sos giuristas (Diritto Dell’Unione Europea G. Orsello).
Tando due sunits duos fattos: su primu est chi sos politicos sardos nanta chi cherenet furriare custa cosa, sa de duos est chi fintzas sos omine de leze, paret sient de accordu. Mancat solu unu potere: su de su guvernu. Ma innoghe sa chistione est prus imboligada: cale est su guvernu de sa Sardinia ? Su de Casteddu? Paret chi nono, dadu chi non podet mancu iscrier a pitzu e sos metros intra su mare e sas domos. Ma a narre sa biridade si semus immentigados unu podere de importu: su pòpolu. Sa prima conditzione puitte duet siet unu Istadu. Custu popolu chi cando cheret fae sa boghe manna e si faet iscurtare.
Isperemus chi si chi ischidet pro custa faina, chi est in pes de 26 annos.
