Non ddu ad’ abba po istudare custu fogu
coment’una cannela
abrujo po bivire
es po te sa luge mia
po tie ebia.
Onnia megnanu, onnia notte
tottu sa die, in d’onnia logu
disigio a tie
ma i nottes mias funti frittas
i dies longas e tristas
e cudd’istessa luge como
m’illuinad is ogos
e m’inciurpada.
M’arregodo una die – fu po Paska Manna –
‘ene acconcia fuo annanno a cresia
e in d’una carrela istrinta istrinta
oghi mann’e bellu
attobi’a tie…
su coro meu fù che su toccu ‘e sa campana
ci m’essente puntu, no aio ogau samene.
Dae sa die una oge intrue mimi m’occiede
narat su lumene meu
e a de ie non callat
ma su malu est a de notte
ca d’intenno crara crara che ci sies accanta.
Tue aboginanno
M’innissidasa
E non n’issisi nudda.
Custu isu es pecci meu
